Dêrsim de çar  kesê ke saetanê serê sibayî de ameyî destbendkerdene ameyî tepiştene.

Şîyar Ataş, Aynure Can, Veli Akyol û Enes Boran ê ke bi sebebê protestokerdişê derbeya qeyûmî ameyî destbendkerdene, ardîyayî Edlîyeya Tunceli û tîya ra biwaştişê tepiştişî Dadgerîya Cezaya Girane Nobetdare rê ameyî sewqkerdene. Çar  kesî dadgerîye de ameyî tepiştene.

Serekê Baroyê Dêrsimî Dogukan Kudato ke avûkatîya înan keno vat muwekîlê ci raştê îşkenceyî ameyî. Kudatî vat: ''Ma do derheqê kesanê ke îşkence kerd û selahîyetdaranê ke îşkenceyî rê çimê xo girewtî, pêhesnayîşê sûcî bikerê.''