Sîyasetmedarê kurdî Mehmet Demîro ke vera qedexeyê serê PKKyî bi serran o têkoşîn keno ANFyî rê qisey kerd.

Demîrî vist vîrî ke Almanya de tewr tay 2 mîlyon kurdî estê û nê kurdî her warê Almanya de aktîf ê.

Demîrî ard ziwan ke 2 mîlyon kurdî bacê xo danê, mîyanê sîyaset û waranê bînan de ca gênê. Demîrî vat: ''Dewayê ke vera kurdan Almanya de yenê dîyene bingeyê xo qedexeyê vera PKKyî ra gênê. Almanya qaşo dewleta huqûqî ya la pê fermanê Wezîrê Edaletî têgêrena. Seba ke na neheqîya vera kurdan wedarna verê ci de firsendêk esto. Ganî Almanya cezakerdiş, krîmînalîzekerdiş, teda û zorbazîya vera kurdan ra fek vera bida.

Almanya hetê leşkerî, sîyasî, ekonomî û têkilîyan ra pabesteyê dewleta tirke ya. La Almanya ganî krîmînalîzekerdişê kurdan ra fek vera bida. Gama ney a destpêke zî wedarnayîşê qedexeyê vera PKKyî yo. Almanya ganî bi rêzdarî nêzdîyê heqanê kurdan biba, heqanê kurdan rê hûrmet bikera.''