Peyasê Amedî de polîsan eşt keyeyêkî ser û B. Çelîk (17) destbend kerd. Polîsan sereştiş de pê tehdîtan şarê keyeyî rê şîdet kerd.

Dayîke Necla Çelîka ke Ajansê Mezopotamya rê qisey kerd vat: ''Polîsan şewe eşt keyeyî ser. Lajê mi berd çimeyo bîn û ci rê îşkence kerd. Vengê qîrayîşê lajê mi ameyêne. Babîyê ci waşt şirê ey bipawo la polîsan o zî derb kerd. Pê solanê xo yê xirabinan ameyî zere, keyeyê ma serûbin kerd, heme kitabî arêdayî û vat nê qedexe yê. Lajê mi pê vatişê  'ti do qereqol de bivînî', t'i do bibê qurbanê guleyêkî' tehdît kerd.  Lajê mi yê 5 serreyî ra persê sey 'keyeyê şima de çeke est a', 'ti ma sînenî persayî.' Polîsêkî zî vat 'şima nêverda ez bîra bişimî, keyfê mi xeripna.' Bes o wa no îşkence biqedîyo.''