Komê verênî yê rayraşîyayîşî resayî nêzdîyê dewa Amara ya qezaya Xalfetî ya Riha.

Wekîla HDPyî ya Riha Ayşe Surucu, Îdarekarê HDPyî yê qezaya Xalfetî û Endamê DBPyî taxa Vahna ya qeraxê Çemê Firatî de, seba rojbîyayîşê 73. yê Rayberê Şarê Kurdî Abdullah Ocalanî leyî nayî ro.

Ayşe Surucu çalakîye de qisey kerd û vist vîrî ke Rayberê Şarê Kurdî Ocalan 24 serrî yo binê tecrîdî de yo. Surucuye vat: ''Tecrîdkerdişê Ocalanî reyde şar azadî û haştîye ra bêpar verdîya. Bi mîlyonan kesî Newroze de vejîyayî meydanan. Reyna ame waştene ke Ocalan azad bibo. Ma zî 4ê Nîsane de reyna venga selahîyetdaranê dewlete danê ke peynîya tecrîdî bîyarê, şert û mercî seba Ocalanî virazê. Çareserîya meseleya kurdan Birêz Ocalan o.''

Wextê ramitişê leyan de sloganê 'Rojbîyayîşê to fîraz bo Serek Apo' ame vatene. Amed, Mêrdîn, Şirnex, Wan, Colemêrg, Adana û Mersînî ra zî xeylêk kesî hê rayîrê Amara de yê.