Ambargoyo verên ê Yewîya Ewropa yê verba îşxalî
Seba qedînayîşê îşxalkarîya Tirkîya yê serê Vakur û Rojakewtena Sûrîye Yewîya Ewropa qerarê ambargoyo verên girewt. Bankaya Sermayegozarî ya Ewropa kredîdayîşê Tirkîya vindarna.
Seba qedînayîşê îşxalkarîya Tirkîya yê serê Vakur û Rojakewtena Sûrîye Yewîya Ewropa qerarê ambargoyo verên girewt. Bankaya Sermayegozarî ya Ewropa kredîdayîşê Tirkîya vindarna.
Wextan de ke seba îşxalkarîya dewleta Tirkî ya serê Vakur û Rojakewtena Sûrîye ambargoyê serê Tirkîya yenê munaqeşekerdene, Bankaya Sermayegozerî ya Ewropa (EIB) gama verêne eşte. Rojnameyê Almanya "Frankfurter Allgemeinen Zeitung" pare kerd ke banka nêzdîya temamîya kredî yê ke plan kerdibi ke bide Tirkîya, vindarnaye.
Ame vatene ke Bankaya Sermayegozerîye ya Ewropa do muracatanê kredî yê serranê peyênan ê seba projeyanê Tirkîya zî cewabê redî bide. Banka tewr peyêne seba projeyêkê kanalîzasyonî yê Tirkîya, muracatê înan ê kredîyê 67 mîlyon euro tesdîq kerdibi.