Keyeyan û merdimanê tepişteyan ê ke 200 rojî yo Amed de Nobeta Edaletî de yê, verê bînaya ci de venga Dezgehê Tipê Edlîyî da ke erk û mesuldarîya xo wa bîyaro ca.

Merdimanê tepişteyan ra Herdem Mervanîyî eşkerayîye wende û îfade kerd ke dinya vengê înan eşnawito la Dezgehê Tipê Edlîyî nêeşnawito.

Mervanîyî vat: ''Vera tepişteyan huqûqê dişmenîye yeno kerdene. Heqê înan ê tedawî nêno caardene. Ganî Dezgehê Tipê Edlîyî wezîfeyê xo bikero. Tepişteyî neçare yê ke pê pereyê xo dermanan bigêrê û vayê dermanan vera zêdîyenê. Coka her roje meseleyê înan ê weşîye benê giranêr.''