Amed de çarçeweya cipersayîşo ke hetê Serdozgerîya Komare  ya Amedî ra yeno rayraberdene de sereştişê keyeyan ameyî kerdene û xeylêk kesî ameyî destbendkerdene.

Cipersayîşo ke rîyê şayîye Newroze ra dîya destpêkerdene de derheqê 105 kesan de qerarê destbendkerdişî est o ke înan ra 66 kesî ameyî destbendkerdene. Kesê ke ameyî destbendkerdene mîyanê înan de  Wayîrê Îmtîyazî yê rojnameyê Xwebûnî yo ke kurdkî weşan keno, Kadrî Esen û rojnameger Alî Koçer zî est ê. Destbendkerdeyî ameyî berdene Mudirîya Asayîşî ya Amedî.

Kesê ke ameyî destbendkerdene ra nameyê 57 kesan wina yê:

"Abdûlvasih Çelik, Arzû Orûç, Bahar Avci, Bunyamin Yilmaz, Cihat Turkekûl, Davût Kûrt, Delal Aslan, Deniz Aksin, Dilara Donmuş, Dogan Tarhan, Ethem Tokak, Farûk Azarkan , Ferhat Diri, Haliya Çelikkiliç, Hamza Aktaş, Hasan Çelik, Huseyin Çapli, Îbrahim Polat, Înanç Mûtlû, Kadri Esen, Kemal Guzel, Kerem Uçak, Kûdret Varli, Leyla Çakil, Leyla Ersoz, Leyla Varli, Mehmet Ali Yuce, Mehmet Çadirci, Mehmet Ekinci, Mehmet Kiliç, Mehmet Şaban Karakaş, Mehmet Şah Pinar, Mehmet Yilmaz, Mir Ali Koçer, Mehmet Fûrkan Çankara, Mûrat Çetin, Mûrat Kiliç, Mûstafa Adanir, Naşide Polat, Nûjiyan Baysal, Orhan Ekin, Ramazan Îz, Ramazan Ozgezici, Rozalin Acar, Serdal Karataş, Serhad Şan, Sevim Kahramaner, Suleyman Can, Şahin Guzel, Şivan Ayazgul, Yakûp Serhat, Yildiz Okta,Ulaş Yarar, Yilmaz Yavûz, Yûnûs Yûnca."

Hêzanê dewleta tirke 12ê nîsane de binê nameyê cipersayîşê Kobanê de 13 bajaran de HDPyîjî hedef girewtbî. Derheqê 91 kesan de qerarê destbendkerdişî amebi dayene, bi desan kesî ameybî destbendkerdene  û banê HDPyî yê Cizîre hetê polîsan ra amebi serûbinkerdene.