KCD, TJA, HDP, DBP, MED TUHAD-FED, OHD û Melcîsê Dayîkanê Haştîye semedê tewrbîyayîşê rayraşîyayîşo ke do siba semedê protestokerdişê tecrîdê serê Rayberê Şarê Kurdî Abdullah Ocalanî bêro kerdene, esnafê Yenîşehîrî zîyaret kerd.

Hemsereka Pêroyî ya DBPyî Salîha Aydenîz pîya bi heyetî raştê eleqeya girde ameyî. Aydenîza ke esnafî reyde qisey kerd, vat: “ Şima nê zulî vînenî, ma tim payan ser ê. Ma nêtersenê û do ser bikewê. Ma do pêro pîya vera nê zulmî têkoşîn bikerê.” Esnafan zî vat: “Ma do tim paştî bidê şima û kiştê şima de bê.”

Aydenîze verê banê Yenîşehîrî de qisey kerd. Aydenîze vat.  “Ma ewro Amed de esnafî zîyaret kerdî. La bi bi hezran leşker û polîsan û wesayatanê înan kerd ke verê ma bîgêrê.  Tecrîd xora tam zî no yo. No mojeneno ke senî tehemulê şima heqanê merdiman rê çîn o. Zîyaretê esnafî ra zî tersenê. Ma do tim têkoşîn bikerê û çirey kuçeyan veng meverdê.”

Wan de zî semedê rayraşîyayîşê vera tecrîd û îşxalî yo ke do 12ê kanûne de bêro kerdene ame vengdayene.