Yewîna Qesasî ya Şehîd Savaş Amedî pare kerd ke mabênê 28ê teşrîna verêne û 3ê teşrîna peyêne de înan Wan, Amed û Edene de çalakîyî kerdî.

Beyanat wina yo:

"Çarçewa Roja Rojawanî ya Dinya de 3ê teşrîna peyêne de taxa Seyrabtepe ya Amedî de vera polîsanê îşxalkeran bi bombeya destviraşta çalakîye ameye kerdene. Çalakîye de 3 polîsî birîndar bîy, wesayîtêkê polîsan û polîsêkî zî derbeyêke werde. Yewîna ma bi saxî agêraye wareyê xo.

Roja 2yê teşrîna peyêne yewîna ma û Yewîna Qesasî ya Şehîd Numan Amedî taxa Kayapinarî ya Dîclekentî ya Amedî de 4 wesayîtê hemkarê AKPyî vêşnayî. 

28ê teşrîna verêne Cehdeyê Emekî yê Baglarî yê Amedî de ver polîsanê ke kontrol kerdêne, çalakîya bi bombaya destviraşta ameye kerdene. Yewê înan bi giranî 4 polîsî birîndar bîy.

29ê teşrîna verêne Taxa Barbarosî ya Seyhanî ya Edene de 3 wesayîtê ke aîdê Alp Yandaşan bîy, ameyî vêşnayene.

Nê çalakîyî serrgêra şehadetî ya Şehîde Bêrîtane (Gulnaze Karataşe) de seba vîrameyîşê aye ameyî kerdene.

2ê Teşrîna Peyêne ya Roja Rojawanî ya Dinya de çalakîya ke taxa Yenî Mahalle ya Îpekyolu ya Wanî de vera polîsan ameye kerdene, dima polîsan bi zorî şar û esnafê Yenî Mahalle ra GBTyî waşt. Na hêla de yewîna ma vera polîsanê ke GBT kerdêne, çalakîya bi bombaya destviraşta kerde. Çalakîye de polîsî remayê, polîsêk zî birîndar bi."