Merkezê Cigêrayîşanê Warî yê Sosyo-Polîtîkî mabênê tarîxanê 28ê çeleyî -11ê sibata 2025î de 22 bajaran de bi anketî derheqê Tirkîya de şuxulnayîşê ziwanê dayîke û waştişê ci cigêrayîş kerd.

1.285 kesê ke tewrê anketê online bîyî înan sera 97.8 waşt wa domanê înan bi ziwanê dayîke perwerde bivînê. Amed, İstanbul, Ankara, İzmir, Erzirom, Semsûr, Wan, Mêrdîn, Riha, Çewlîg, Agirî, Antalya, Mersin, Şirnex, Bursa, Dîlok, Êlih, Colemêrg, Dêrsim, Meletî, Adana û Sêrt’ten hemwelatîyî tewrê anketî bîyî.

Goreyê netîceya anketî 11 serran ra qijêr her domanî ra 1 ziwanê xo yê dayîke zafanê qisey nêkeno.

Serrî çend benê qij hûmara kesanê ke ziwanê dayîke qisey kenê kêm bena û hûmara kesanê ke ziwanê dayîke nêzanê zêdîyena. Na rewşe mojnena ke teberê tirkî de ziwanê dayîke yê bînî seba ke ameyox de biciwîyê ganî tedbîrî bêrê girewtene.

Kesê ke tewrê antketî bîyî sera 97.5 kurd ê û înan sera 80,4 kurmanckî û sera 17 kirmanckî qisey kenê.

Tewrbîyayoxan ra sera 41,7 keye de kurmanckî, sera 35,9 tirkî qisey kenê.

Goreyê eşkerayîye sera 33,9 ziwanê dayîke fam kenê, sera 27, 2 eşkenê qisey bikerê, sera 21, 9 eşkenê biwanê û sera 19, 1 eşkenê binusê.

Sebebê kêmîya perwerdeyê ziwanê dayîke sey  polîtîkayanê asîmîlasyon û keye de nêqiseykerdiş vejîyayî vernî.

Têna sera 17.7 vat domanê înan perwerdeyê ziwanê dayîke vînenî, sera 97,8 zî waşt wa domanê înan perwerdeyê ziwanê dayîke bivînê.