Semtanê Maltepe, Cebecî, Esat, Seyranbaglari û Yenîmahalle yê qezaya Çankaya yê Anqara de 3 ciwanî semedo ke serrgêra 6. ya Qirkerdişê Garî yê 10ê Teşrîna Verêne ya 2015î de dêsan ser o nuşteyî nuştî ameyî destbendkerdene.

Ciwanê ke endamê Federasyonê Anarşîstan ê Şorişgêran (DAF) bîyî, nameyê înan wina yê: Îsmaîl Arikan, Zeynepe Ulger û Guney Akgun. Ciwanî ameyî berdene bi Mudirîya Polîsan a Yenîmahalle.

Ciwanî dima sewqê Edlîyeya Anqara bîyî ke îfade bidê.