Komêka wendekaranê cinîyan waşt ke Kampusê Cebecî yê Zanîngehê Anqara de dansê Las Tesîsî bikê.La polîsanê tirkan hêrişê wendekaran kerd û zaf wendekarî destbend kerdî.

Nê wendekaran ra 5 kesî cinî yê. Ame zanayene ke tay wendekarê camêrdî zî ameyî destbendkerdene.

Nameyê wendekaranê ke ameyî destbendkerdene wina yê: Leylanure Mavîlî, Nîsane Çira, Nîhale Yilmazarslan, Aylîne Şahîn.

Wendekaranê cinîyan vera polîsan nêrazîbîyayîşê xo mojna û sloganê ''Ma hiş nêkenê, nêtrsenê, îtaat nêkenê'', ''Cinîyan ney, kiştoxan asteng bikê'' vatî.

Cinîyan wesayîtê destbendkerdişî de zî çalakîya ko dewam kerde û vat: "Suc ê mi nîyo, Ez çade biba zî çita xo ra bida zî suc ê mi nîyo'', ''Tecawuzker ti yî, polîs ê, rektor o''.

Terefgîra îqtîdarî Yewîya Ciwanan a Tirkîya (TGB) 24ê kanûne de Kampusê Cebecî de kom bibî û seba çalakîya ''Las Tesîsî'' wendekarê muxalîfî sey hedef mojnabi. Cinîyan vera TGByî nêrazîbîyayîşê xo mojna, boyaxa more eşte TGB ser û hetê polîsan ra amebî destbendkerdene.