Antalya de 12 kesî ameyî destbendkerdene
Antalya de derheqê mîtîngê HDPyî de cipersayîş dîya destpêkerdene û seba ke tewrê mîtîngî bîyî 12 kesî ameyî destbendkerdene.
24ê teşrîna verêne de HDPyî bi tewrbîyayîşê Hemserekê Pêroyî yê Partîye Mîthat Sancarî Antalya de Mîntîngê Vengdayîşê Demokrasîyî kerd. Serdozgerîya Komare ya Antalya derheqê nê mitîngî de cipersayîş da destpêkerdene.
Çarçewa cipersayîşî de 12 kesî bi îdîaya ''propagandaya rêxistine'' ameyî destbendkerdene. Kesê ke ameyî destbendkerdene Mudirîya Asayîşî ya Antalya de yenê tepiştene.
