Avûkat û Endamê Komeleya Huqûqnasan a Seba Azadîye (OHD) Yunus Emre Şahanî derheqê zîndanan de zêdîyayîşê merg û cînayetan de ANFyî rê qisey kerd.

Avûkat Emre Şahanî ard ziwan ke yeno astengkerdene ke tepişteyî biresê heqê xo yê weşîye û vat: ''Ma zîyaretanê xo yê zîndanan de dî ke heqê weşîye yê tepişteyan yeno binpaykerdene. Ma zîyaretê Zîndanê Afyonî de eşnawit ke koxûşê bi 14 kesan şino revîr, doktor/e înan rê derman nuseno/a la derman nêdîyeno înan. Tepişteyî bi nê hawayî mirenê. Tepişteyê ke  nêweşê kronîkî yê yan zî fîzyolojîya înan qels a, netîceya grîpêkê qijî de zî mirenê

Tay tepişteyî zaf kahan ê, tayê bînî zî hend pîs ê ke tede mareyî est ê. Tirkîya zîndanêko akerde yo. Ganî tepişteyî zîndanêko ke goreyê rûmetê merdiman o de bimanê. Dewlete ganî ney bîyara ca.  Hukmat binpaykerdişê heqanê tepişteyan sey rojdemî nêvîneno. Seba ke medya destê hukmatî de ya, hayîya şarî zî pê zîndanan çin a. Xeylêk kesî nê binpaykerdişan nêvînenê.''