Buroyê Huqûqî yê Asrinîî da zanayene ke rixmê qedîyayîşî qedexeyê pêvînayîşê keyeyî Îmrali de pêvînayîşêk nêameyo kerdene û înan reyna muracatê Dadgerîya Înfazî ya Bursa kerd.

Avûkatan da pêhesnayene ke  qedexeyê pêvînayîşî 18ê kanûna 2021î de qedîya la rixmê naye muracatê înan yê pêvînayîşî hetê Serdozgerîya Komare ya Bursa ra nênê cewabkerdene û vat înan coka reyna muracatê Dadgerîya Înfazî ya Bursa kerdo.

Avûkatan vat: ''Tewr peynî de gama ke 22 teşrîna peyên a 2021î de muracatê Dadgerîya Înfazî ya Bursa ke ame vatene ke cezaya dîsîplî ya hîrê mengan esta. Coka ê nêşkenê pêvînayîş bikerê. Nê qerarî hîrê mengî xo dima verdayî la rixmê naye muracatê pêvînayîşî bêcewab yenê verdayene.

Avûkan de muracat de waşt wa  astenkerdişê verê pêvînayîşan bêrê werdaritene.