Avûkatanê Rayberê Şarê Kurdî Abdullah Ocalanî Rezan Sarica, Razîye Ozturk, Faîk Ozgur Erol û Cengîz Yureklîyî seba ke muwekîlê xo reyde pêvînayîş bikerê, reyna muracatê Serdozgerîya Komare ya Bursa û Mudirîya Zîndanê Îmraliyî kerd.

Rayberê Şarê Kurdî Abdullah Ocalanî 1999î ra nata Îmrali de binê tecrîdê giranî de yeno tepiştene.

Pêvînayîşê telefonî yê Rayberê Şarê Kurdî ke 25ê adare de birayê xo Mehmet Ocalanî reyde kerd nêmcet mendbi. Hela ke înan qisey kerdêne telefon bîryabi.

Avûkatan tewr peynî 8 serran da dima 2-22ê gulane, 12-18ê hezîrane û 7ê tebaxa 2019î de muwekîlê xo reyde pêvînayîş kerdbi. Cewab nêdîyeno muracatê avûkatan.