Îstanbul de hetê OHD, TOHAV û ÎHDyî ra bi sernameyê ''Vera sîyasetê tecrîdî huqûqê haştîye'' konferans ame kerdene. Îdarekarê HDK, HDP, OHD, ÎHD, avûkatê Buroyê Huqûqî yê Asrinî û xeylêk huqûqnas, rojnameger, temsîlkarê rêxistinanê sîvîlan, roşnvîr, nuştox û sîyasetmedarî tewrê ci bîyî.

 Qiseykerdişê akerdişî yê konferansî hetê HemserekÊ Pêroyî yê HDPyî Mîthat Sancarî ra ame kerdene.  Sancarî vist vîrî ke gama ke pêvînayîşê çareserî ameyêne kerdene rewşa welatî senî hole bî û vat: ''Polîtîkayê bêçareyîye çend benê xorî, tecîr zî giranêr beno.  Heyetê HDPyî tewr peynî 5ê nîsana 2015î de Îmrali de Ocalan reyde pêvînayîş kerd. Bado ke pêvînayîşî qedîyayî şer reyna bi giran. Polîtîkaya îmha kewte dewre. 40 serranê peyêna de metodê ke ameyî şuxulnayene hergo sey çîyê neweyî yenê verê ma. Operasyonê teberê sînorî, tesfîyekerdişê sîyasetê demokratîkî, zextê û qedexeyê vera komelî netîceyê tewr muhîmî yê na rewşe yê. No zî beno sebebê rijnayîşê ekonomî û ferqîrîye. Îqtîdar bitaybetî pê operasyonanê teberê sînorî wazeno payra bimano. Îqtîdar wazeno pê gonî, talan û zûran komel û sîyasetî dîzayn bikero. Tecrîdê Îmraliyî binpaykerdişê heqanê merdiman o. Ganî Tirkîya de vera tecrîdî vengo berz bêro vetene. Na têna meseleya yew hetî nîya. Ganî ma wina yew hêzî vejê werte ke ma pêro pîya vera tecrîdî bivejê.  Ganî ma vera şerî îtîfaqê xurtî biafernê. Ma sey HDPyî qerardarê ke bedelê ci çi beno wa bibo ma do wezîfeyanê xo bîyarê ca.''

Avûkatê Rayberê Afrîkaya Başûre Nelson Mendelayî Sirah Desaiyî zî  ard ziwan ke o vera tecrîdê serê Rayberê Şarê Kurdî Abdullah Ocalanî hêrsbîyaye yo û vat: ''Huqûqê mîyanneteweyî hem wextê dewa de hem zî prosesê cezagirewtişî de heqê resnayîşî nas keno. Seba ke ceza girewta çew nêeşkeno heqê pêvînayîşê keyeyî û avûkatan destê înan ra bîgêro. Ganî pêvînayîşê akerdeyî bêrê kerdene. Ganî na rewşe rayapêroyîya dinya bibo sebebê qesawetî. Eke avûkatêk/e nêeşkeno/a muwekîlê xo bivîno no binpaykerdişê heqî yo. Tecrîd qetî nîno qebulkerdene. Ez zana şima têkoşînê huqûqî kenê. Huqûqê mîyanneteweyî yeno binpaykerdene. Nelson Mandela rixmê rejîmê  Aprthactî badê 20 serran zîndanî ra vejîya. Xeylêk cayanê dinya de kesê ke cezaya muebebê giranî genê nêzdê 20 serran zere de manenê. Ganî Ocalan bêro veradayene. Semedê tehlîyeya Ocalanî qerarêko sîyasî hewce keno.''