Avûkate Ulaşe rê cezaya zîndanî ya 15 serran ameye waştene
Avûkate Elîfe Tîrenç Ulaşa ke dosyaya vera Komeleya Cinîyan a Rosa ra yena muhakemekerdene derheqê ci de cezaya zîndanî ya 15 serran ameye waştene.
Derheqê Endama Heyetê Îdareyî yê Komeleya Cinîyan a Rosa Avûkate Elîfe Tîrenç Ulaş de xebatanê ci yê komele ra bi îdîaya 'endamîya rêxistine' dewa amebî akerdene. Roniştişo 7. yê dewa Mehkemeya Cezaya Girane ya Amedî de ame kerdene. Ulaşe û avûkatê ci Gozde Ergîn û Oyluye Çakmak tewrê roniştişî bîyî.
Meqamê îdîayan derheqê Ulaşe de xebatanê ci ra cezaya zîndanî ya 7 serran ra heta 15 serran waşte. Avûkatanê Ulaşe seba pawitişî wext waşt.
Roniştiş taloqê 28ê sibate ame kerdene.
