Vervatoxa DEM Partî Ayşegule Dogan derheqê rewşa peyên a weşîya Endamê Heyetê Îmraliyî û Serekwekîlê Meclîsî yê DEM Partî Sirri Sureyya Onderî de Nêweşxaneyê Florence Nightingale de eşkerayîye daye.

Ayşegule Dogan ard ziwan ê Onderî ra xeberanê rindan pawenê û nê vatî: ''Xeberê xirabî çîn ê, no zî mojneno ke gureyî rayîr de şinê. Goreyê eşkerayîyanê doktaran heta nika rewşe stabîl a. Ma zaf çî deyndarê nê stabîlasyonî yê. No nîno na mana ke rîskê cuye yo gird dewam nêkeno. Seke şima zanê Sirri Sureyya Ondero sînaye têkoşînê girdî yê cuye dano. Senî ke kênaya ci Cerene zî vat çîyo ke o zaf hol zano û ma zî şahîdê ci yê tewr hole ey keno. Xover dano xoverdayîşî rê dewam keno.

Ma zî bi hêvî pawenê. Ma pê bawer ê ke Sirri Sureyya Onder do nê prosesî bi weşîye xo dima biverdo.  O do ûca ra wirzo we û tewrê ma bibo û haştîya mendî zî bivîno ke zaf waştêne bivîno. Seba ke ronayoxanêkê nê ra yew do xîretê xo rê dewam bikero. Ez reyna vana, proses nika senî ke ameyêne pawene dewam keno. Stabilizasyon raşta zî muhîm o û seba ke dewam keno ma keyfweş ê. Semedê xeberanê dahîna zelalan, goreyê eşkerayîyanê hekîman ma zî do xebere bidê şima.

Vizêr Hemserkanê Pêroyî yê DEM Partî zî tîya îfade kerd. Ma çi dî, paştdayîş û eleqaya ke ameyî mojnayene, waştişê şîfa û dûayê ke ameyî kerdene, ma pêro xebera rinde pawenê. No çîyo ke Tirkîya hewce kena nê zî mojneno. Sirri Sureyya Onder hele têkoşînê cuye dano zî xebityeno, xover dano. Têhetardişê ma rê dewam keno. O karê xo ser o. Ma do tîya agêrayîşê ey bipawê. Ez bi nameyê Sirri Sureyya Onderî, DEM Partî û keyeyê ey û heskerdoxanê ey semedê na eleqe paştdayîşî zaf spas kena.''