Hemserekê Pêroyî yê DEM Partî Tuncer Bakirhanî meclîs de kombîyayîşê grûbe  de rojdem erjna.

Tuncer Bakirhanî  ard ziwan ke Tirkîya hinî demê qerargirewtişî de ya waşt  wa cade heqê hêvî yê Rayber Apoyî bêro rojdem û meclîs cade game bierzo.

Tuncer Bakirhanî badê kombîyayîşî cewab da persanê rojnamegeran.

Bakirhanî persê ''Pêvînayîşê bi Erdoganî do çiwext bêro kerdene?''  wina cewab kerd: ''Beno ke zereyê nê hewteyî de heyetê ma Birêz Serekkomarî dir pêvînayîş bikero. Pozîtîf o, do hol bibo. Tikîya de do bibo wesîleya çîyanê holan û rindan. Ma hêvî kenê û pawenê ke zereyê heweyî de bibo.''

Bakirhanî ard ziwan ê zî nêzanê no pêvînayîş ça, senî û çiwext do bêro kerdene  û vat ma goreyê vatişanê Vervatoxê AKPyî Omer Çelikî wina vanê.

Bakirhanî vat:''Hema temasêk nêbîyo, ma zî wazenê ke wa bibo.''