DEM Partî çarçewa vengdayîşê ‘Haştîye û Komelê Demokratîkî’ yê Rayber Apoyî de zîyaretanê xo rê dewam kena. Partî bi beşdarîya Hemserek Tuncer Bakirhanî ewro Federasyonê Komeleyanê Herêmîyan zîyaret kerd û tîya de kombîyayîşê şarî kerd.

Bakirhanî kombîyayîş de qisey kerd.Bakirhanî ard ziwan ke Rayber Apo tena seba kurdan ney seba pêro beşanê komelî demokrasî û haştîye wazeno.  Bakirhanî vat: ‘’Vengdayîşê Birêz Ocalanî seba her kesî yo û o edalet û demokrasîy wazeno. 

Ma do pîya bi nasnameyê xo biciwîyê. Tesîrê nê vengdayîşî Sûrîye de zî est o. Vengdayîşê Ocalanî ser o mabênê QSD û hukmatê Şamî de peymanêke ameye îmzakerdene. Ma zanenê ke mezgê şima de persî est ê. La ma bi xo bawer ê. Ma paradîgmaya Selahaddîn Eyyubîyan ra heta bi Ocalani bawer ê. 

Seba ke Birêz Ocalan de têkilîyêka raşte bêra ronayene ganî şertê ey ê xebate bêrê holkerdene. Ganî zemîno ke meseleya kurdan afernayo werte ra bêro wedaritene. Ganî tayînkerdişê qeyûman biqedo, kurdî bi ziwanê xo perwerde bibê.

Bi vengdayîşê Ocalanî rayraşîyayîşê ma yê demokratîkî dest pêkerd. Ma do pîya şorê. Ma dormeyê DEM Partî de bêrê yewca û xo rêxistin bikerê. Ma do mesuldarîyanê xo bîyarê ca. Ma do meydananê Newroze de waştişê xo yê azadîye bîyarê ziwanî.’’