Vervatoxa Meclîsê Cinîyan ê HDPyî Ayşe Acar Başaran merkezê pêroyî yê partîya xo de kombîyayîşê çapemenîye kerd û rojdem ercna. Başarane verî cezaya ke dîyabî Vervatoxa verêne ya Têgêrayîşê Cinîyan ê Azadan (TJA) Ayşe Gokkan şermezar kerde.

Qiseykerdişê Başarane ra beşêk wina yo:

''Seke Qirkerdişê Pirsûsî de qewimîya pê polîtîkaya bêcezaveradayîşî faîlî kerdî pakî. La ma do têkoşînê xo ra fek vera medê û edalet bîyarê ca.

Goreyê çapemenîue 10 menganê 2021î de 234 cinîyî ameyî qetilerdene. Amed de domanêke maruza tacîzê kesê V.B. bîye. La muhakemekerdişî ancî camêrdî pawitî û V.B. vera da. Mevlude Akguna ke vera şîdetê heqê xopawitişî şuxilnabi rixmê nêweşîya xo vera nêdîyaye. Reyna Çîleme Dogan rê cezaya zîndanî ya 15 serran yena waştene. Dewlete pê hêzanê asayîşî û muhakemekerdişî camêrd o û hînî na dewlete bîya dişmena verêne ya cinîyan.

Ma do Peymana Îstanbulî ra qetî fek vera nêdê û semedo ke bêra caardene têkoşînê xo rê dewam bikerê.''