Başûrê Fransa de çarçewaya hemleye ''Rayber Apoyî rê azadîye, meseleya kurdan rê çareserîye'' de verê Şaredarîya Matiguesî de rayraşîyayîşo derg ê hîrê rojan dîya destpêkerdene.

Rayraşîyayîşo ke her serre semedê şermezakerdişê komployê mîyanneteweyîyî yeno kerdene, bi rêzgirewtişî dest pêkerd. Çalakîye de kurdkî, fransizkî û tirkî eşkerayîya çapemenîye ameye dayene. Dîya zanayene ke çalakwanî Draguignan, Montpellier, Avignon û Marignane ra tewrê rayraşîyayîşî bîyî.

Rayraşîyayîşêkê 123 kesan dest pêkerd ewro do verê Şaredarîya Marignane de biqedîyo.  Wextê rayraşîyayîşî de çalakwanî do derehqê çalakîya xo de vilawekan bila bikerî.

Roja diyîne de çalakwanî do Marignane ra heta herêma La Viste ya Marsilya rayra şirê. Roja hîrêyîne de zî do merkezê Marsilya de bi tewrbîyayîşê hezaran kesan rayraşîyayîşo girseyî do bêro kerdene.