Hemserekê Konseya Rayberdişî ya KCKyî Cemîl Bayikî programêkê taybetî yê Stêrk TVyî de erjnayîşê mumîhî kerdî.

Rayber Apoyî şarê kurdî newe ra afirna

Cemil Bayikî vist vîrî ke Rayber Apoyî serranê 1993, 1995, 1998, 2003, 2005, 2009, 2013 û 2015  game muhîmî eştî û nê vatî: ''Rayber Apoyî 1973 de semedê qederê şarê kurdî mudaxaleyo muhîm kerd, ewro mudaxaleyêkê dahîna muhîmî aver beno. Gama ke Rayber Apoyî dest pê têkoşînî kerd şarê kurdî hewnê mergî de bê. Kulturê xo rê bibê xerîb, ver bi çînbîyayîşî şîyênî. Rayber Apoyî bi mudaxaleyêkê tarîxîyî şarê kurdî reyna wirzna payan ser.

Bi komployî cewab dîya çareserîya demokratîke

Rayber Apoyî 1993yî de adirbinayîş îlan kerd. Turgut Ozalî cewab da adirbinayîşî la proses ame sabotekerdene. Necmettin Erbakan gama ke ame îqtîdar Rayber Apoyî rê mektub şawit. Rayber Apoyî cewab da mektubî.  Erbakanî waştêne wa meseleya kurdan bêro çareserkerdene. Sey Turgut Ozalî Necmettin Erbakan zî ame tesfîyekerdene. Rayber Apoyî 1998 de waşt hemleya ke 1993 de daya destpêkerdene û 1995 de aver berde, temam bikero. Reyna adirbirnayîş îlana kerd la bi Komployê Mîyanneteweyîyî cewab dîya ci. Bi komployî ame waştene ke wa verê Rayber Apoyî bêro girewtene. Rayber Apoyî şertanê zehmetan ê Îmraliyî de xebata xo ya ke 1993 de daye destpêkerdene, temam kerd.''

PKKyî rolê xo yo tarîxî ard ca

Cemîl Bayikî wina dewam kerd: ''PKKyî rolê xo yo tarîxî ard ca. Verê asîmîlasyon û îmhayî girewt. Şarê kurdî wirzna payan ser û newe ra ganî kerd. Xeyrê PKKyî şarê kurdî bi eşiqê azadîye û demokrasîyî. Coka PKKyî çîyo ke gerek bikerdêne temam kerdî. Ewro ra tepîya çîyo ke hewce keno gerek şarî bikerê. Rayber Apo bi bedilnayîşê paradîgma wazeno raştîya şarêkê birêxistene biafirno. Hêzê kapîtalîstî, NATO tim paştî danê Tirkîya. Sîyasetê îmha û înkarî pawit. Înan waşt PKKyî tesfîye bikerê û şarê kurdî îmha bikerê. Bado ke Rayber Apo ame teslîmkerdene bi hêrişê vera PKKyî waşt derbanê girdan bidê piro. La nêeşkayî ser bikewê. Sîyasetê îmhayî ame betalkerdene.

Rolê Tirkîya û Îranî hinî destê Îsraîlî de yê

Bi şerê dinya yê hîrêyînî hegemonyaya Îsraîlî Rojhelatê Mîyanênî de xurtêr bîye. Rolê ke Tirkîya û Îran kay kenê hinî destê Îsraîlî de yê. Coka Tirkîya û Îranî derbeyê girdî girewtî û semedê înan tehluleyî dest pêkerd. Tirkîya no tehluke dî û gamanê Îsraîlî yê Rojhelatê Mîyanênî ra tersaye. Ya kurdan dir pê kena ya zî darbena girdan wena. Averşîyayîşanê Rojhaleta Mîyanênî, problemê ke Tirkîya ciwîyena ê mecbûr verdayî, ardê verê linganê Rayber Apoyî. Înan waşt Rayber Apoyî îmha bikerî la bi xo muhtacê kurdan bîyî. Înan Rayber Apo qebul kerd. Waştişê înan çîyo? Semedê ma zaf muhîm nîyo. Çîyo muhîm o yo ke gamê ke nê esasî sero yenê eştene.''

Çîyê ke zemînê şerî de hewce kerdêne ame kerdene

Cemil Bayikî ard ziwan ke Rayber Apoyî binê nê şertan de vengdayîşê 'Haştîye û Komelê Demokratîkî' aver berd û nê vatî: ''Rayber Apoyî vat, 'Demê partîyan qedîya, dewrê şaran dest pêkerd' Hemlaya ke daye destpêkerdene, vengdayîşê ci nê esasî ser şekil girewt. Bawerîya Rayber Apoyî xo ra, îradeyê ci ra, embazan û şarê ci ra est a. Rayber Apo wazeno meseleya kurdan zemînê şîdetî ra vejo. Çîyê ke zemînê şerî de hewce kerdêne ame kerdene. Ewro ra tepîya gerek bêşîdetî bêro dewamkerdene.  Kurdîstan, Tirkîya û Rojhelatê Mîyanênî de xeylê kesî û şexsîyetî est ê ke şerî ra menfeatê înan est o. Pê şerî benê zengîn. Coka wanzê wa şer dewam bikero. Coka sabote kenê. Rayber Apo wazenê 'nanê' înan destê înan ra bigîro. Waştişê hemleya Rayber Apoyî no yo.

Ma paradîgmaya xo, îdeolojîya xo canêverdenê

Rayber Apo nika mudaxaleyo tarîxî keno. Wazneo PKKyî bi temamî bikero merkezê paradîgmaya newî. Rayber Apo komelêkê azadî wazeno. PKK hinî pêro dinya de bîyo hêvî.  PKKyî rolê xo kay kerd û ser kewt. Rayber Apo na nuqta de bedilnayîşêk keno. Ma paradîgmaya xo, îdeolojîya xo canêverdenê. Têgêrayîşo Apoyî xo newe ra bedilneno. PKKyî semedê şaranê kurdan û merdimîye xizmetê girdî kerdî. Tayî ewro nê înkar kenê, hêriş kenê. Tayî vanê, 'PKK hinî kewt tengayî , verê ci gerîya  coka teslîm beno' nê heqaret ê. Têna kesê bêwîjdanî nê vanî. Dişmenê têgêrayîşî nê vanê. Tayî wextê ronayîşê nê têgêrayîşî ra dişmenîya Rayber Apoyî û PKKyî kenê. Vanê PKKyî semedê kurdan sekerd? PKKyî gureyê girdî kerdî, verê sîyasetê îmha û înkarî girewt. PKKyî şarê kurdî hewnê mergî ra hîşyar kerd. PKKyî kurdî kerdî wayîrê nasnameyî, şorişo demokratîk kerd. Şorişê cinîyan bi PKKyî bi. PKKyî kurdo rind afirna. Kurdî ewro dinya de wayîrê warê muhîmî yê. Kurdî xeyrê PKKyî ameyî na nuqta.''

Îtîfaqê bi Şamî destpêkerdişêko hol o

Cemil Bayikî bale ante tesîrê hemleya tarîxî yê serê Sûrîye ser û nê vatî: ''Rojawan de  û Şamî de pêkerdişêk ame kerdene. No destpêkerdişêko hol o. No bi têkoşînê şaranê Rojawanî bi. Şarî bi hewayêkê qehremankî xover da û heta ewro ameyî. Hemleya Rayber Apoyî do elewîyan bido ciwîyayene. Hemleya Rayber Apoyî semedê heme şaran, bawerîyan û kulturan a. Na hemle semedê haştîye, edalet û azadîye ya.Têna semedê kurdan nîyo, semedê pêro şaranê Tirkîya yo. Bi na hemle do her kes ser bikewo. Gerek çew vera na hemle de mevindo.

Gerek her kes hamle de ca bigîro

Sere de CHP gerek muxalefetê Tirkîya wayîrê na hemle bivejo. Rayber Apoyî veng da û PKKyî cewabê ci da adirbirnayîş îlan kerd. Her roje hêrişî benê, teyarayê keşîfî fir danê. Nê şertan de komkerdişê kongre tehlukeyin o. Gerek şertê kombîyayîşê kongre bêrê afirnayene. Tirkîya de tay kesî wazenê kaos pê bîyarê. Eke wazenê meseleya kurdan çareser bikerê, Tirkîya tehlukeyan ra bixelisnê, gerek nê caverdê. Gerek her kes Hemleya Haştîye û Komelê Demokratîkî rê serkêşîye bikero. Gerek şarê ma semedê azadîya fîzîkîye ya Rayber Apoyî têkoşînî xurtêr bikero. Gerek sîstemê Îmrlaiyî bêro rijnayene. Gerek ma semedê azadîya Rayber Apoyî seferberîye îlan bikerê. Gerek ma barê Rayber Apoyî bigîrê xo ser. Eke ma nê barî bigîrê xo ser Rayber Apo eşkeno dahîna hole hemle aver bêro.''