Bedlîs û qezayanê ci de vizêr polîsan û leşkeran eşt xeylêk keyeyan ser û 8 kesî destbend kerdî. Îstanbul de zî wendakranê ke destbendkedişê embazanê xo protesto kerd înan ra 5 kesî ameyî destbendkerdene.
Bedlîs û qezayanê ci de vizêr saetanê sere sibayî de polîsan û leşkeran eşt xeylêk keyeyan ser û 8 kesî destbend kerdî.
Derheqê dosya de qerarê nimitişî esto. Avûkatê ke semedê pêvînayîşî şîyî Fermandarîya Cendirmeyan a Bajarî nêeşkayî muwekîlanê xo vînê.
Kesê ke ameyî destbendkerdene nameyê înan wina yê: Endamê Şaredarî yê HDPyî Azîz Başboga û Hemsereko verên ê HDPyî yê Norşînî îhsan Denîz. Namayê kesanê bînan ê ke ameyî destbendkerdene nêameyî musayene.
Hetê bînî ra Îstanbul de wendakranê ke destbendkedişê embazanê xo protesto kerd înan ra 5 kesî ameyî destbendkerdene.
Bado ke Serekkomar Erdoganî wendekarê Unîversîteya Bogozîçî sey hedef ramojnayî 4 wendekarî ameybî destbendkerdene. Vizêr semedê prosteokerdişê nê destbendkerdişan wendekaran çalakîye kerde û înan ra 5 wendekarê bînî ameyî destbendkerdene.
