Senatoyê Berlinî menga temmuze de birre girewtibî ke hûmara rayîr û kuçeyan ê ke tede asta lezîya rameyîşî saetêke de 30 kîlometre ya bêrê zêdekerdene û rameyîşê wesayîtanê bidîzelan ê kahanî bêro qedexekerdene. Qedexeyê wesayîtanê bidîzelan ê ke emîsyonê înan Euro 5 û tira kêm o 8 rayîr û kuçeyanê Berlinî de bêro caardene.

Gore xebera Berliner Morgenpostî roja dişemeyî ra pey merkezanê Silbersteinstrasse, Hermannstrasse û Karl Marx Strasse yê taxa Neukolnî de panoyê hîşyarkerdeyî do bêrê daliqnayene. Gore naye rayîr û kuçeyanê taxa Mîtte de qedexe hewteyêkî ra pey do bêro caardene.