Akademîsyenê Zanîngehê Dihokî Kamûran Berwarîyî zîyaretê Bexdad û Hewlêrî yê serfermandaranê artêşa tirke Hulusî Akar, Yaşar Guler û Hakan Fîdanî ercnayî.

Dr. Berwarîyî bale ante nê zîyaretan ser û îfade kerd ke rojê bitehlukeyî verê kurdan de yê. Dr. Berwarîyî vat: ''Goreyê vînayîşê mi Tirkîya û Iraqî tay rewşanê girîngan ser o çarçewa menfatanê hemparan de pêvînayîşî kerdî. Hezîrana 2020î ra nata erdê Başûrê Kurdîstanî de şerê giranî estê. Dewleta tirke wazena Başûr û Iraq îşxal bikera. Nê kesî zî seba nê armancî ameyî tîya.''

Dr. Berwarîyî armancê dewleta tirke wina rêz kerdî:

-Qelskerdişê têgêrayîşê azadîye yê şarê kurdî, şerwan û pêşmergeyan

-Warê cografya de cîyakerdişê Başûr û Rojawanê Kurdîstanî

-Çinkerdişê Xoserîya Şingalî û qirkerdişê komelê êzidîyan, destsernayîşê îradeyê komelê êzidîyan

-Qelskerdiş û bêîradeverdayîşê Hukmatê Herêma Kurdîstanî

-Vergirewtişê Îranî ke nêeşko Iraq û Sûrîye de çîyêk nêpawo

-Iraqî ra heta Urdunî no erd Tirkîya rê girê bido

Dr. Berwarîyî pare ker dke ganî qet yew perêko sîyasî yê kurdan tewrê nê planan nêbo û vat: ''Wa kes vera têgêrayîşê azadîye yê kurdan şer nêkero, hêrişê gerîlayan nêkero. Çunke no hêriş beno sebebê çinbîyayîşê destkewteyanê kurdan. Ganî kurdî bibê yew, paştdayîşê xo hêzêr bikerê û bi nê hawayî cewabê plan û hêrişanê dewleta tirke bidê.''