Hemsereka Konseya Rayberdişî ya KCKyî Besê Hozat programêkê taybetî yê Medya Haber TVyî de rojdem erjna.

Besê Hozat vat: ''Newroza emserî heme heme Newroza tewr biheybete ya heme wextan a. Raşta zî hewtî ra heta hewtayî şarê kurdî, şarî, dostî vejîyayî meydananê Newroze. Bi mîlyonan vejîyayî meydanan dengizê merdiman pêard. Hem çar parçeyanê Kurdîstanî de hem zî teberê welatî de Newroze bicoşî ameye pîrozkerdene. Ma pê Newroza emserî zaf şa bîyî.''

Newroze referandûmê vengdayîşê tarîxî yê Rayber Apoyî bî

Hozate bale ante ''Vengdayîşê Haştîye û Komelê Demokatîkî'' yê tarîxî yê Rayber Apoyî ser û nê vatî: ''No vengdayîşî têna semedê kurdan nêbi semedê pêro komelê Rojhelatê Mîyanênî bi. Şar bi vengdayîşê azadîye û haştîye zaf şa bi. Newroze de vengdayîşo tarîxî ame wayîrvejîyayene û selamkerdene. Şarî Newroze de bi tewirê xurtî vat 'Rayber Apo îradeyê ma yo',  'Azadîya Rayber Apoyî azadîya ma ya. 'Newroze sey referandûmê vengdayîşî bî. Bi mîlyonan azadîya fîzîkîye ya Rayber Apoyî waşte. Pêro şayîyê Newroze emser biheybet bî, Amed xora bi titîk.

Dewlete ciddî nizdî nêbena

Vengdayîşê Rayber Apoyî raşta zî semedê kurdan û şaranê Tirkîya zaf muhîm o. Tewir û keda Rayber Apoyî zaf erjîyaye ya. La dewlete cîddî nîya. Îqtîdarê AKP-MHPyî ciddî nizdîyê prosesî nêbeno. Badê vengdayîşê tarîxîyî gerek cade semedê caardişê 'Heqê hêvî' qanûnî biameyêne bedilnayene. Meclîs de komîsyon, serûberkerdişê qanûnî huqûqî şert bî, hewce kerdêne. La no nêbi. Şertê Rayber Apoyî nêbedilîyayî.Tecrîd dewam keno.Bi vengayîşî gerek tecrîd bi temamî biameyêne wedaritene. Gerek Rayber Apo bi 'heqê hêvî' biameyêne veradayene. Badê vengdayîşî gerek Rayber Apoyî bi têgêrayîşê xo, PKKyî tekîlî ronayêne. Gerek Rayber Apoyî bi xo kongreya PKKyî îdare bikerdêne. La no nêbi.

Heta ke Rayber Apo dewrê mekero kongreya PKKyî nîna pêser

Keye û avûkatî tim muracat kenê nêeşkenê pêvînayîş bikerê. Muracatî yenê redkerdene, qebûl nêbenê. Gerek kam ke wazeno bieşko Rayber Apoyî reyde pêvînayîş bikero. Gerek sîstemê îşkence û tecrîdî yê Imraliyî bêro wedaritene. Gerek azadîya fîzîkîye ya Rayber Apoyî bêro caardene.  Embazanê ma zî vat heta ke Rayber Apo dewrê mekero kongreya PKKyî nîna pêser û xo fes nêkena. No zelal o.Têna Raybe Apo eşkeno prosesî aver bêro. Rayberê prosesê Haştîye û Komelê Demokratîkî Rayber Apo yo. Nê prosesî têna Rayber Apo eşkeno rayra bêro.

Mevzûat yew-di rojan yeno bedilnayene

Wezîrê Edaletî Yilmaz Tunç vano 'heqê hêvî mevzuat de çîn o' No mezûtan ayeta Quranî ya? Ti wina prosesî cîddî danê destpêkerdene, mevzûatî zî bedilnenê. O mevzûat yew-di rojan de yeno bedilnayene. Mesajo bidîmen ê Rayber Apoyî eşkeno bêro dayene. Qey ma mesajê bidîmenî wazenê. Ma waşt îqtîdar, dewlete dest bikerê û bivînê senî cîddî yê. Eslê xo û wext maskeyê înan kewt.

Eke wina şiro, siba bîr 7 kesê ke heyetê Îmraliyî de eşkenê bêrê tepiştene. Qet temînatê înan çîn o. Çunke temînato huqûqî çîn o.Temînatêkê nê prosesî çîn o. Coka gerek cade temînatê nê prosesî yo huqûqî û ganûnî bibo. Gerek na babete de qanûn bêro vetene. Rayberîya tewr vernî de vat: 'Meclîs wa bi tewrbîyyaîşê partîyanê îqtîdar û muxalefetî komîsyono hempar bêro ronayene.Wa no komîsyon serûberdişişê qanûnî bikero. Wa zemînê temînatê huqûqî û qanûnî yê nê prosesî bibo.'  Nînan ra qet çîyêk nêbi. Eqsê ci de çend şino bi hêrişan kenê ke nê zemînî werte ra wedarê. Heta ke zemînê ci hazir mebo PKK senî çeke caverdena?

 Vanê vengayîşî ra dima cade kongre bikerê û xo fes bikerê. Kam nê kayana xapîyeno?  Eke ti semedê nê israr bikerî, o wext ma zî vanê ke; ti xîle kenê, kay kenê. Ti komplokarîye kenê. Ti peyê kayî de yê, taktîkê sîaysîyî manevera kenê. Derdê to sîyaseto demokratîk, çareserî nîyo. Derdê to têkoşînê 50 serran ê kurdan werte ra wedaritiş o, dewamkerdişê polîtîkaya qirkerdişî yo. Rixmo ke 1ê adare de PKKyî adirbirnayîş îlan kerd hêrişî dewam kenê.''

Faşîzmê Kurdîstanî nika heme Tirkîya ra vila bîyo

Besê Hozat bale ante hêriş û zextanê AKPyîyê vera Baroyê Îstanbûlî û Şaredarîya Bajarê Pîlî yê Îstanbulî ser û nê vatî: ''Îqtîdarê AKP-MHPyî kewto derdê ganê xo, derdê îqtîdarê xo. Seba ke îqtîdarê ci payra bimano hêrişê muxalîfan keno. Ne heq, ne huqûq, ehleq ne wîjdan nas keno, qet çîyêk nas nêkeno. Xora Kurdîstan de bi des serran o şerê qirkerdişî rayra benê. Des serrî yo ke şerêkê qirkerdişî û faşîzm est o. Ma tim vat. Eke Kurdîstan de faşîzm bibo, Tirkîya de demokrasî nêbena. Eke Kurdîstan de şerê qirkerdişî bibo, Tirkîya de huqûq, demokrasî û edalet nêbenê. Ma tim veng da komelê Tirkîya û ma heqdar vejîyayî. Nika faşîzm û zextê Kurdîstanî heme Tirkîya ra vila bîyo.Nika vera nê hêrişanê faşîstan gerek tewiro hempar bêro girewtene û têkoşîno hempar bêro kerdene. Gerek têkoşîno yewbîyaye û hemparo xurt bêro rayraberdene. Têna wina nê hêrişî eşkenê bêrê şiknayene.''