Beştaşe: Îqtîdar wazeno qirkerdiş bikero

Serekwekîla Grûba HDPyî Merale Daniş Beştaş bale ante ser ke merganê zîndanan dest pêkerdo û vat: ''Îqtîdar wazeno ke qirkerdiş bikero.''

Serekwekîla Grûba Partîya Demokratîke ya Şaran (HDP)Merale Daniş Beştaş derheqê qanûnê înfazî ke tepişteyanê sîyasîyan mergê rî bi rî verdeno de meclîs de kombîyayîşê çapemenîye kerd.

Beştaşe ard ziwan ke ê paştî danê vengdayîşê keye de bimanê la zîndan de bimanê çirey qebûl nêkene û vat:  ''Zîndanan de 50-60 kesî yew ca de mananê û qet tedbîrî nêameyî girewtene. Ganî huqûq goreyê her kesî seyciye bêro caardene. Ma huqûqê dişmenîye nê hueqûqê merdimî wazenê. Nê qanûnê înfazî tena bi se hezaranê ke zînanî de nê teber de zî bi milyonan ser o  tesîr keno. Nika merdimê tepişteyan bi tersî pawenê ke xebera mergî bêro.  Ma vanê tepişteyê sîyasî îqtîdar vano tepişteyê sîyasî çîn ê. Ma yewna game aver berê sîyasîyê rehînî estê. Na polîtîkaya rehîne yena manaya qirkerdişî. Ewro Zîndanê Bafra ra cenazayêke  vejîyaye. Waşt ke binimnê la nêeşkeyî.  Tepişteyo bi nameyê Mehmet Yeterî rîyê Korona ra wefat kerd. No merg nê cînayet o. Ma vizêr zî vat qanûnê înfazî  êfû taybet o. Qetilkarî yenê veradayene û êyê ke hetê şarî ra ameyî vîjnayene zîndan de manenê. Qetilkar û tecawuzkaran vera danê. Kesê ke vanê 'terorîst' ma yê muxalîf ê. Hema zaf xirab nêbîyo ganî cade game bêro eştene.''