Dîplomaya Mehmet Akîf Subayo ke 6 serrî yo YÎKOP de sey amîrê kontrolî û îdarekarê projeyî xebitîyeno, sexte vejîyaye. Subayî heta nika seba viraştişê 60 bînayan destûr dayo.

Dima ke 2016 de qeyûm tayînê Şaredarîya Wanî bi, bi seyan kedkarî şaredarîye de karî ra ameyî vetene û herinda înan de kadroyê AKPyî ameyî cakerdene. Nê kadroyanê AKPyî ra yew zî Mehmet Akîf Subay o.

Qeyûmê Wanî Ozan Balciyî tedayan ra dima Subay erkî ra girewt la AKPyî nêverda ke Subay erkî ra bêro girewtene. Ame dîyarkerdene ke şaredarîyanê qeyûman de xeylêk kesî bi dîplomaya sexte xebitîyenê.

Subayo ke bi dîplomaya xo ya sexte destûrê viraştişê 60 bînayan dayo, erdlerzêkê muxtemelî de do bibo sebebê ganê bi hezaran kesan.