Seba waştşê azadîya Rayberê Şarê Kurdî û tepişteyanê sîyasîyan, seba pawitişê azadî û heqê dîyarkerdişê çarenûsê xo yê şarê kurdî 13ê êlule de (ewro) şaristanê Milanoyî yê Îtalya de bi şîarê 'Wextê Hêvîye' konserêk do bêro dayene.

Buroyê Enformasyonî yê Kurdîstanî yê Îtalya û Rete Kurdistan Îtalya konser serûber kenê, Partîya Komunîste ya Newe ra Awanbîyayîşî ya Îtalya zî paştî dana konserî.

Komîteya Amadekarîye derheqê babete de eşkerayîyêke daye. Eşkerayîye de ame parekerdene ke paradîgmaya Rayberê Şarê Kurdî Abdullah Ocalanî şaranê dinya rê bîya hêvî. Eşkerayîye de bale ameye antene ser ke dewleta tirke ya qirkere sere de Rojawan bi giranî hêrişê kurdan kena. Eşkerayîye de seba pawitişê Rojawanî zî veng dîya.

Aktîvîteyî do 18.00 de dest pêbikerê. Karîkaturîsto namdar Zerocalcare, sîyasetmedara kurde Hazale Koyuncuer, edîtorê Weşanxaneyê Punto Russoyî Roberto Mapelli û rojnameger Giacomo Sini zî do aktîvîteyan bibê. Aktîvîteyan de fikrê Abdullah Ocalanî do bêrê nîqaşkerdene. 

Saete 20.00 de zî bi beşdarîya hunermendan Alesio Lega, Marco Revelli, Berfin Demir, Renatı Franchi, Asti Abdo, Rap Caverna Posse, Yung  Paninaru, Ellie Cottino û Assalti Frontali bi şîarê 'Abdullah Ocalanî rê Azadîye' konserêko pîl do bêro dayene.

Adresê konserî wina yo:

Parco Delle Cascine di Chiesa Rossa

Via San Demenico Savio, 3 Milano