Banlîyoyê Drancyî yê şaristanê Parisî yê Fransa de bi hezaran kurdan vera hêrişanê faşîstan û tedaya polîsan çalakîya rayraşîyayîşî kerde.

Bi hezaran kurdî û dostê înan verê Şaredarîya Drancyî de ameyî yewca û pê posterê Rayberê Şarê Kurdî Abdullah Ocalanî rayîr a şîyî. Çalakîye de TCŞyî pankartê 'Werin Cenga Azadiyê' û 'Cengê azadîye geş bikerê, Rayber Apoyî azad bikerê' akerdî.

Çalakîye de bêmabên sloganê sey 'Biciwîyo Serek Apo', 'Biciwîyo xoverdayîşê şarê kurdî' ameyî vatene.

Îstasyonê peyênî yê çalakîye de Hemserekê CDK-Fyî Necmettîn Demîralpî qisey kerd û ard ziwan ke rixmê hêrişanê dewleta tirke û Fransa ê do têkoşînê xo rê dewam bikerê.

Çalakîye pê sloganan qedîyaye.

24ê sibate de polîsanê Fransa eştbi Merkezê Komelê Demokratîkî yê Kurdan ser û 25ê sibate de zî faşîstan hêrişê komelî kerdbi. Hêriş de 3 kurdî birîndar bibîy.