Hemvervatoxanê Komîsyonê Koçber û Multecîyan ê HDPyî Gulsume Agaoglu û Velî Saçilikî eşkerayîyêke daye.

Eşkerayîye de ame vatene rojanê peyênan de bi rayîrê çalakîyanê vera îslamafobî multecîyî yenê xebitnayene. Hemvervatoxan eşkera kerd ke dewlete bi xo na çalakîyan serûber kena û komê selefîyî nê çalakîyan de xo sey multecîyanê Sûrîye mojnenê. Hemvervatoxan vat: ''Nê komî vejîyenê kuçeyan, seba ke çimê Ewropa bitersnê welatanê Ewropa rê gef wanenê. Ma qet qebul nêkenê ke komê selefîyî vatişanê nefretî yê vera multecîyanê Sûrîye pêro komelî ra vila bikerê.''

Eşkerayîye de ame parekerdene ke şerê zereyî yê Sûrîye ra ke Tirkîya zî terefgîra ci ya tewr tay 5 mîlyon merdimî koçê Tirkîya kerd. Eşkerayîye wina dewam kena: ''Bi rayîrê koman ê cîhadîstan dişmenîya vera multecîyana yena geşkerdene. Ma venga hêzanê sîyasîyan û sivîlan danê ke vera geşkerdişê dişmenîya vera multecîyan tewirê xo bimojnê.''