Reyna eşkera bi ke hêrişanê Dewleta Tirke û cerganê aye yê ke 9ê teşrîna verêne de vera Vakur û Rojhelatê Sûrîye dest pêkerdî de tanqê Leopard 2yî yê Almanî yenê xebitnayene.

Rojnameyê almanan Bildî pare kerd ke nêzdîyê Til Temirî de tanqê Almanî hetê cerganê Dewleta Tirke ra yenê xebitnayene. Xebere de persê ''Gelo Tirkîya bi tankanê Almanya kam yew kayî kay kena?" ame kerdene.

Vervatoxê cerganê Tirkî  rojnameyî reyde qisey kerd û tesdîq kerd ke tanqî dayî înan.  Vervatoxî vat: "Tirkîya tanq zî tede bi her hawayî çek û cebilxaneyî dana ma." Na cumle zî nîşan dana ke peymana mabênê Almanya û Tirkîya ameye binpaykerdene. Xebere de ame vatene: "Serra 2016î ra nat Artêşa Tirke tanqanê şerî yê Almanya ê Leopard 2yî şerê Sûrîye de xebitnena. Labelê gore cigêrayîşê Bildî Hukmatê Tirkî tanqê Leopard 2yî dayî selahîyetdarê Sûrîye. Rojnameyî şertê ''Leşkeranê Tirkî ra ber hetê kesanê bînan ra do nêrê xebitnayene" vist vîrî. Vervatoxê Pawitişî yê Almanî pare kerd ke şertê rotişî nêame vurnayene. Pêro dîmenê ke mojnenê çekê tanqê Leopard 2yî ameyî xebitnayene Dezgehê Kontrolê Xizmetan ê Fînansî (BAFA) yo ke peymana bazirganîye kontrol keno, îdîa kerd ke derheqê binpaykerdişê peymane de destê înan de doneyêko eşkera çin o.