Qedexeyê vera PKKyî yê Almanya beno sebebê nêrazîbîyayîşanê hêz û çepgîranê almanan. Tom Krummelo alman zî vera qedexeyê serê PKKyî têkoşîn keno. Endamê Liksjugend ('solid) Berlin Krummelî derheqê qedexeyê serê PKKyî û tecrîdkerdişê Rayberê Şarê Kurdî Abdullah Ocalanî de ANFyî rê qisey kerd.

Krummelî îfade kerd ke ê sey Links Jugend Solidî qedexeyê vera PKKyî red kenê û vat: ''Ma pê bawer ê ke no qedexe waştişê Tirkîya ser o yeno caardene. No qedexe bi hawayêkê xirabî tesîrê komelê kurdan ê Almanya keno. Mîsal wexto ke koçberê kurdî Almanya rê muracatê îltîca kenê na bira qedexeyî sey astengîye vejîyena înan ver.''

Krummelî vist vîrî ke rixmê bira xo zî Almanya hema zî çekan roşena Tirkîya û bale ante hêrişanê kîmyewîyan ê vera gerîlayan ser. Krummelî vat: ''Ma artêşa tirke şermezar kenê ke vera gerîlayan çeka kîmyewîye şuxilnena. 2019 de Almanya bire dabî ke çekan nêroşa Tirkîya la hema zî roşena. Ma venga hukmatê Almanya danê ke rotişê çekan Tirkîya rê vindarno. Ganî pisporî şorê ê herêman û şuxilîyayîşê çeka kîmyewîye ser o cigêrayîş bikerê. Hukmatê Tirkîya şuxilîyayîşê çeka kîmyewîye ra ganî warê mîyanneteweyî de bêro cezakerdene.''

Krummelî tedrîdkerdişê Rayberê Şarê Kurdî Abdullah Ocalanî zî ercna û vat: ''Ma tecrîdê Îmraliyî bi eşkera şermezar kenê. Tecrîd yew bira polîtîk a. Ganî Ocalan azad bibo. Sey endamêkê Linnks Jugend ez vana ganî tecrîdê vera Ocalanî bêro qedînayene.''