Bajarê Bernî yê Swîsre de semedê Sara Tolhildan (Dilara Urper) û Rûkene Zelal (Emele Feremez) yê ke 26ê êlule de Mersin de çalakîya fedayîye kerde, serkêşîya KOMAW û YJK-S de tezîye ameye ronayene.

Aktîvîte bi rêzgirewtişî dest pêkerd û bi namayê dezgehanê kurdan derheqê têkoşînê têgêrayîşê azadîye de qiseykerdişî ameyî kerdene û mesajê xurtkerdişê têkoşînî ameyî dayene. Dima ra bi nameyê keyeyan  birayê Sara Tolhildan Mehdî Urperî qisey kerd.

Urperî vat: ‘‘ Kurdî şehîdanê xo rê zaf çî deyndar ê. Dewleta tirke pê paştdayîşê NATOyî bi heme îmkananê teknîkan şina gerîlayan ser, hêriş kena. La PKK xover dano, estbîyayîşê xo domneno. Nê gerîlayê fedakarî verê dişmenî genê. Têna warê leşkerî de nê warê sîyasîyî de zî ma heme destkewteyanê xo deyndarê gerîlayan ê. Eke ewro ma bi mîlyonan reyan genê, wekîlan şawenê meclîsîî eke dinya hinî ma nas kena no zî xeyrê keda gerîlan o.‘‘

Urperî ard ziwan ke çeke wedaritiş û têkoşîn tradîsyonê keyeyî yo vat no tradîsyon do dewam bikero. Mehdî Urperî ard ziwan ke waya ci Sara ke hema qijtîya xo de hîsgêr têgêrayêne zaf fedakere bî.

Badê qiseykerdişan derheqê Sara Tolhildan û Rûkene Zelal de sînvîzyon ame mojnayene. Wextê seykerdişê sînevîzyonî de sloganê sey “Şehîd namirin” û “Bijî berxwedana gerîla” bîyî berz.