Emîne Şenyaşara ke mêrde û lajê ci hetê merdimanê Wekîlê AKPyî Îbrahîm Halîl Yildizî ra kişîyayî lajê xo Ferît Şenyaşarî reyde 119 rojî yo nobeta edaletî gêna.

Ferît Şenyaşarî ke derheqê zîyaretanê paştdayîşî de qisey kerd vat: ''Xora her kes her çî zano. Zulumo ke pîl esto ke nêno qebulkerdene. Pêvînayîşanê ma de mesajê paştîdayîşî dîyayî ma. Çalakîya ma siba do bikewo menga çarine. Qetilkaranê ke qirkerdiş kerd teber de serbest gêrenê. Birayê wekîlê AKPyî Suleyman Yildizo ke paştê poltîkîya bêcezayîye ra serbest gêreno hema ma pê mergî tehdît keno.  Yildizo ke medyaya sosyale ra ma tehdît kerdî ma reya dîyine gerreyê ci kerd. Dozgero newe yê dewaya ma do ewro eşkera bo. Dozgerê 8. dosyaya ma binê zextê sîyasîyî de gêno. Ma do pê avûkatanê semedê pêvînayîşî muracatê dozgerê newî bikerê. Ma qerardar ê heta caardişê edaletî ma çalakîya xo rê dewam bikerê.''

Hetê bînî ra Wekîla HDPyî ya Riha Ayşe Surucu, Wekîlê HDPyî yê Îstanbulî Alî Kenanoglu û rêxistina partîye ya Riha ra heyetêkî Keyeyê Şenyaşarî zîyaret kerd , paştî da ci.