Endamê Meclîsê Pêroyî yê HDPyî yê Agirî Mehmet Bîrdal seba bazirganîye şibi Îran la uca de tepişîya û cezaya zîndanî ya 16 serran dîyaye ci.

Bîrdal bi îdîaya 'endamîya PKK û PAJKî', 'hetkarîya PKKyî', 'hemkarîya bi komanê dişmenî', 'propagandaya rêxistine' û 'gefê vera asayîşê milîyî' ame sûcdarkerdene.

Bîrdalî vera binpaykerdişê heqanê xo Zîndanê Makûyî de dest pê rojeyê mergî kerd.

Bîrdalî bi rayîrê keyeyê xo Zîndanê Makûyî rê mektubêk şawit û ard ziwan ke lewê xo hîrê cayan ra deşto û bi nê hawayî dest pê rojeyê mergî kerdo.

Keyeyê Bîrdalî venga rayaumûmîye da ke derheqê babete de hîsger biba û tedaya dewleta Îranî bikera.