Sekretera Pêroyî ya Komîteya Rewşa Lezabeze ya Rojawanî ya Amerîka Debbie Bookchin ANFyî rê qisey kerd û pare kerd ke Erdogan şerê vera kurdan de pakîya etnîke armanc keno. 

Debbie Bookchin pare kerd ke heta ke endamîya NATOyî dewam bikera do koalîsyon warê hewayî yê Rojawanî Tirkîya rê do nêqefilno û vat: ''Bêguman seba ke tay ambargoyê serê Erdoganî bêrê kerdene ma do tedayêka cidîye bikerê. Bi na teda beno ke Erdogan operasyonanê leşkerîyan ra fek vera bido û xo nêzdîyê haştîya bi PKKyî bikero. Ma vînenê ke dewleta tirke nika herême de qirkerdişan kena, xîret kena ke kurdan bida koçkerdene.

Erdogan xo rê sîstemê demokratîk, femînîst û ekolojîkî yê Rojawanî xo rê sey tehdîtêkî vîneno. Ma bi eşkera vanê ke Erdoganî heqê merdiman binpay kerdî. Lîderê welatanê Ewropa Rûsya îşxalê Ukrayna ra bi eşkera şermezar kenê la belê vera hêrişanê Erdoganî yê serê kurdan û Rojawanî bêveng manenê. Ganî no tewir bêro şermezarkerdene. Ma do têkoşînî rê dewam bikerê. Hêvîdar a ke ma do bieşkê wextêkê nêzdîyî de nêzdîbîyayîşê welatan ê bi Rojawanî bi hawayêkê cidîyî bivurnê.''