Komîsyonê Weçînayîşî yê Iraqîserê sibayî pare kerd ke goreyê mîqtarê se ra 94ê sindoqan se ra 41ê weçinîtoxî tewrê weçînayîşî bîyî.

Weçînayîşê 2018î de se ra 44.52ê weçinîtoxan raye dabî. Komîsyonî eşkera kerd ke nê weçînayîşî de 25 mîlyon kesan ra 9.077.779 kesan raye daye.

Şefa Mîsyonê Çimdarîye ya Yewîya Ewropa Viola von Cramon wextê hûmaritişê rayan de eşkerayîye daye û da zanayene ke mîqtarê tewrbîyayîşî xeylêk kêm o.

Cramonî vat: ''No mesajêko eşkera yo û ma hêvîdar ê ke no mesaj hete elîtê sîyasî ra bêro dîyene.''

Goreyê çimdaranê sîyasîyan merdiman pê bawer nêkerd ke weçînayîş bibo sebebê vurîyayîşêko raştikên.

Yeno texmînkerdene ke netîceya weçînayîşî de blokê tradîsyonelî do temsilîya xo ya parlamento rê dewam bikerê. Eke serkewtişêk nêbo lazim o ke îtîfaq bêro ronayene.