Yewîya Wendekaranê Kurdistanî (YXY) seba Rojawanî London de Şewa Paştdayîşî serûber kerde. Şewa paştdayîşî de seba Rojawanî qasê di hezar poundî hetkarîye ameye arêdayene û seba wayîrvejîyayîşê Rojawanî ame vengdayene.
Yewîya Wendekaranê Kurdistanî (YXY) û Heyva Sor pîya şewa paştdayîşî serûber kerde.
Şewa Rojawanî rê Paştdayîşî Zanîngehê Kings College London de ameye serûberkerdene û Dr. Alan Semo, resame û rojnamegere Zehra Dogane, şervananê zerrîwazan ê YPGyî ra Macer Grîfford, şeş zanîngehanê cîyayan ra 200 wendekarê welatperwerî û demokratî tewrê şewe bîyî.
Şewe de sînevîzyon ame mojnayene û panelêk ame serûberkerdene. Qiseykerdoxan pare kerd ke Rojawan de sîstemêkê demokrasîyê radîkalî ame sazkerdene û Dewleta Tirkan hêrişê nê sîstemê demokratîkî kena.
Qiseykerdoxan vat ke Rojawanî rê wayîrvejîyayîş erjê merdimîye rê wayîrvejîyayîş o û bi paştdayîşî ê eşkenê verê îşxalkarîye bigêrê.
Şewa paştdayîşî de qasê di hezar pound hetkarî ameye arêdayene û hunermende Suna Alane zî hunerê xo pêşkêş kerd.
