Paytextê Belçîka Bruksel de derheqê dewaya ke vera sûîqestê vera Hemserekê KONGRA-GELî Remzî Kartal û  Endamê Konseya Rayberdişî ya KCKyî Zubeyîr Aydarî ameye akerden de 1ê adare de do kombîyayîşê çapemenî bêro kerdene. Kombîyayîş eşkeno serê înternetî ra bêro teqîpkerdene.

Kombîyayîş do saete 11.00 de Klubê Çapemenîye yê Brukselî  (Press Club Brussels) de bêro kerdene. Avûkatê Aydar û Kartalî Jan Fermon do derheqê dewa de zanayîş bido.

Avukatê hîrê cinîyan ê şorişgêran ê kurdan  Sakîne Cansiz, Fîdane Dogan û Leyla Şaylemez ê ke 2013 de Paris de ameyî qetilkerdene Antonîe Comte, rojnamegerî Hayko Bagdat û Ekr Acarer ê ke Almanya de surgun de ciwîyenê, Zubeyîr Aydar û Remzî Kartal ê ke raştê cehdkerdişê sûîqestî ameyî do sey qiseykerdoxan tewrê eşkerayîye bibê.

Dewaya ke çar ajanê tirkî tede yenê muhakemekerdene 11ê adare de do bêro destpêkerdene. Roniştişo verên 1ê teşrîna verêne ya 2021 de amebi kerdene.

Amebi tesbîtkerdene ke êyê ke ekîbê sûîqestî ca genê tekîlîya înan bi Anqara heta dîrek bi Qesra Serekkomarê Tirkî esta.  Netîceya cipersayîşan û îtîrafan de vejîye werte ke Qirkerdişê Parisî ra heta sûîqestê Brukselî torra hîra ya sûîqestan bi destê Anqara Ewropa de gureyena. Reyna fotografê endamanê ekîbê sûîqestî bi şêwirmendanê Erdoganî Adnan Tanriverdî û Prof. Dr. Seyît Serçelîlî estê.

Cipersayîşo ke yeno rayraberdene de yeno vînayene ke merkezê tîmanê sûîqestî de Fransa esta la Fransa zanayîş nêdana Belçîka.

Kombîyayîşê çapemenîye yê Brukselî de derheqê sûîqestanê dewleta tirke yê Ewropa de do raporo hîra rojnamegeran û tewrbîyayoxan rê bêro vilakerdene.