Hemsereka Pêroyî yê HDPyî Pervîne Buldan û avûkatan derheqê qerarê Mehkemeya Heqanê Merdiman a Ewropa (MHME) yê  wa Selahattîn Demîrtaş cade bêro verdayene de eşkerayîye daye.Eşkerayîya ke rêxistina HDPyî ya Îstanbulî de ameye kerdene xeylêk rojanmegerî tewrê ci bîyî.

Eşkerayîye de verî avûkatê Demîrtaşî Mahsunî Karamanî qisey kerd. Karamanî vat: ''Nê qerarî tekîlîya sîyasetî û hukmî ya Tirkîya fîna çiman ver ke no qerar îflasê tekîlîya sîyaset û hukmî yo. Qerarê MHME têna Demîrtaşî nê heme wekîlan eleqedar keno.''

Avûkat Ramazan Demîr zî vat: ''No qerar ramojneno ke sîyasetmedarê kurdî bi destê hukmî bi krîmînalîzekerdişî yenê mexdurkerdene. Hemsereka KCDyî Leyla Guvene ame tepiştene û reyna seba ke eleqaya înan bi KCDyî esta her roje destbendkerdiş û tepiştişî benê. MHME eşkera vana ke KCD organîzasyono fermî yo.''

Avûkate Benan Molu zî vat: ''No qerar têna semedê Tirkîya nê semedê Konseya Ewropa zî qerarêko tarîxî yo. No qerar semedê heme muxalîfanê ke raştê tacîzê hukmî yenê qerarêko emsal o.''

Pervîne Buldane zî bale ante ser ke no qerar têna Demîrtaşî eleqedar nêkeno û vat: ''Nê qerarî hukmê Tirkîya yo helisyaye reyna ramojna. Xora ma tim vana sîstemê huqûq û edaletî pabesteyê qesre yo. Rixmê nê qerarî heme Demîrtaş nêameyo veradayene. No îşkenceyo. 4ê teşrîna peyêna 2016î ra nata Demîrtaş û wekîlê ma yê bînî û bi seyan embazê ma yê HDPyîjî zîndan de yê. Leyla Guvena ke anorê şarê kurdî û cinîyan a zî ameye tepiştene . Tepiştişê aye tarîx de dos ey leyekyê sîyayî cayê xo bigero.

Demîrtaş û embazê ma yê bînî qey sey rehîn yenê tepiştene? Demîrtaşî ra tersenê. Şima nêeşkenê vajê no qerar ma girênêdano. No qerar şima girêdano efendîyen. Heme embazê ma ganî serbest bêrê veradayene. Eke morê şima binê pêkerdişanê mîyanneteweyîyan de esto, şima mecburê ke qeraran zî bîyarê ca. Ganî Selahattîn Demîrtaşo sînaye û heme embazê cade bêrê veradayene.''