Hemsereka Pêroyîye ya HDPyî Pervîne Buldan Hemvervatoxê Têkilîyanê Teberî Hişyar Ozsoyî reyde bi meymandarîya Sersefîrê Delegasyonê Yewîya Ewropa-Tirkîya Nikolaus Meyer-Landrutî sersefîranê welatanê Yewîya Ewropa reyde pêvînayîş kerd.

Buldane pêvînayîş de fikrê HDPyî yê serê krîzê ekonomîkî û sîyasî pare kerdî û cigêrayîşê weçînayîşan ercnayî. Buldane derheqê dewamkerdişê tecrîdê Îmraliyî de, caardişê biranê Mehkemeya Heqanê Merdiman a Ewropa yê serê Demîrtaş, Dewaya Kobanê û dewaya qefilnayîşê HDPyî pare kerdî.

Buldane cewab da persanê sersefîran û îfade kerd ke rixmê teda, zorbazîye û muhakemekerdişî zî HDP hêzê xo zêdîneno û sîyasetê Tirkîya de beno aktoro sereke.