Hemsereka HDPyî Pervîne Buldan Amed de panelê 'Vizêrî ra heta ewro modelê ma yê hemserekîye' de qisey kerd. Panel hetê Heyetê Îdareyan ê Herêmîyan ê Demokratîkan ê HDPyî ra ame amadekerdene.

Qiseykerdişê Buldane ra beşêk wina yo:

''Ma vat sîstemê hemserekîye sîyaset de temînatê estbîyayîşê cinîyan o û heqê temsîlîya cinîyan o. Dinya de têna HDP wayîrê sîstemê hemserekîye yo. Bi sîstemê hemserekîye hêz û îradeyê cinîyan mîyanê sîyasetî de xurt bîyî û şaredarîyanê ma de dezgehê cinîyan ameyî awankerdene. La no bes nîyo ganî bizanîyo ke ma do têkoşînê cinîyan ê Tirkîya bidê. Sîstemê hemserekîye sîstemê unîversal o. Îqtîdarê camêrdam seba ke hêrişê têkoşînê cinîyan bikerê hemserekîye kenê hedef.

Çend teda û zorbazî zî estbê têkoşînêko qerardar zî esto. Ma do destûr nêdê ke faşîzmê camêrdan qet yew dezgehê ma talan bikero. Ê kesê ke seba doman û cinîyan edalet, heq, têdûştî wazenê wa dormeyê HDPyî de kom bibê. No wezîfeyê ma yo tarîxî yo zî. Xelas û serfîrazîye pê HDP mumkîn ê. Ma sey cinîyan mecbûrê ney ê.''