Tepişte Can Guder (20) o ke vizêr bi hawayêkê şikdarî Zîndanê Wanî de amebi qetilkerdene, Gever de Goristanê Bajirge de ame definkerdene.

Keyeyê Guderî Colemêrgî ra ame Wan, Dezgehê Tipê Edlîyî ra cenaza girewte û berde Gever. Ame parekerdene ke îtîrazê keye û avûkatan ra dima cenaza seba otopsî ameye berdene bi Nêweşxaneyê Dewlete yê Geverî. Keyeyî dima cenaza girrewte û defin kerde.

Polîsan nêweşxane û goristan girewt binê abluka, nêverda ke rojnamegerî dimenan bigêrê. Wekîlê HDPyî yê Colemêrgî Saît Dede û Rêxistina HDPyî ya Geverî beşdarê merasîmê cenaza bîyî.

Îdareyê Zîndanî îdîa kerd ke Guder rîyê krîzê qelbî ra dinayya xo bedilnayeya la merdimanê ey vat nêweşîya ey a kronîkî çînê bî û no sey mergê şikdarî hesibna. Guderî rê cezaya zîndanî ya 18 serran amebî dayene.