Şarê kurdî bi wesîleya serrgêra 38. ya Hemleya 15ê Tebaxe do meydanan de bibo. Konseya Kurdan a Demokratîke ya Fransa (CDK-F) û Têgêrayîşê Cinîyan ê Kurdan ê Fransa (TJK-F) bi eşkerayîyêka hempare venga pêro kurdîstanijan û dostanê înan da ke tewrê çalakîyanê 15ê Tebaxe bibê.

Eşkerayîye de ame dîyarkerdene ke 15ê Tebaxe seba şarê kurdî yeno manaya gandarbîyayîşî û wina ame vatene: ''Ganî ma dormeyê têkoşînê 38 serran de kom bibê. Şexsê fermandarê bêmergî Egîdî de ma pêro şehîdanê xo yad kenê û serrgêra Hemleya 15ê Tebaxe fîraz kenê. Hemleya 15ê Tebaxe yena manaya waştişê azadîye. Menga tebaxe seba şarê ma menga serfîrazîye ya. 38 serran ra dima serrgêra na hemle de şertê tecrîdê vera Rayber Apoyî giran benê û şerê vera kurdan beno giranêr. Wextê ci ameyo ke ma b ruhê 15ê Tebaxe vejîyê meydanan, Kurdîstanî bipawê, bi şîarê Rayberîya Azade, nasnameyê azadî û xoserîya demokratîke wayîrê çalakîyan vejîyê. Ma venga kurdîstanijanê Fransa danê ke bi girseyan tewrê çalakîye bibê.''

Fransa de çalakîyê 15ê Tebaxe do 13ê tebaxe de dest pêbikerê. 13ê tebaxe de saete 17.00 de Gare Du Nordî de çalakîyî do dest pêbikerê û meydanê Stalingradî de biqedê. Marsilya, Rennes, Bordeaux, Strasbourg de zî çalakîyî do bêrê kerdene.