Nobeta Azadîye ya ke 25ê hazîrana 2012yî de bajarê Strasbourgî yê Fransa de ameye destpêkerdene hewteyê 675ine de dewam kena.

Çalakîye no hewte hetê  Mola Şahîn, Koçer Aydin û Hasan Ince yê ke bajarê Luzernî  ra ameyî, ameye dewrgirewtene.

Molla Şahînî bale ante vengdayîşê Rayber Apoyî yê 27ê sibate ser û vat: ''Paştîya ma Rayberîya ma ra pêt a. Şaro ke 52 serrî yo bi paradîgmaya Rayberîye têgêreno, sey vizêrî ewro zî Rayberîya xo teqîp keno, siba zî do teqîp bikerê. Ma do heta peynî wayîrê Rayberîya xo bivejê.''