Tepişteyo nêweş Nevzat Çapkin 8 mengî verî Zîndanê Beşîkduzuyî yê Trabzonî ra vera dîya. Çapkinî vizêr nêweşxaneyêkê taybetî yê Amedî de dinyaya xo bedilnaye. Cenazaya Çapkinî nêweşxaneyî ra ameye girewtene û bi konvoyê wesayîtan ameye berdene bi dewa Hacîreşî. Cenaza hetê bi hezaran kesan ra ameye pêşwazîkerdene û wezîcebeyanê dînîyan ra dima pê sloganê 'Şehîdî nêmirenî' ameye definkerdene.

Hemserekê Kongreya Komelê Demokratîkî (KCD), Hemserekê DBPyî Keskîn Bayindir, îdarekarê Rêxistina HDPyî ya Amedî, îdarekarê MEBYA-DER û TUAY-DERî zî tewrê merasîmê cenaza bîyî.

Hemserekê KCDyî Berdan Ozturkî goristan de qisey kerd û dîyar kerd ke Çapkinî emrê xo dayo azadîya şarê kurdî. Ozturkî vat: ''Cu û têkoşînê ey ma rê mîras o. Çapkinî 29 serran zîndan de xo ver dayo û gamêke zî apey nêeşta. Heta têkoşînê ey bi serfîrazî binetîce bibo ma do dewam bikerê. Wa sereyê şarê kurdî weş bo.''

Definkerdişê cenaza ra dima keyeyê Çapkinî dewa Hacîreşî de xeyma serweşîye naye ro.