Gerîlaya YJA-Starî Buşra Kaya 7ê gulane de Dêrsim de şehîd bibî û cenazaya ci wedarîyabî Dezgehê Tipê Edlîyî (ATK) yê Meletî. Keyeyê Kaya yo êlihij semedê testê DNA 4 mengî verî şibi Meletî û gonî dabî. 4 mengan ra dima keyeyî rê ame parekerdene ke testê DNA pozîtîf o. Keyeyî vizê Meletî ra cenazaya kênaya xo girewte.

Cenazaya Buşra Kaya Goristanê Asrî yê Êlihî de ameye definkerdene. Polîsan nêverda ke keyeyî ra ber çew tewrê merasîmê definî bibo û goristan girewt binê ablûqa.

Cenazaya gerîlayê HPGyî Ferît Danişmano ke 24ê gulane de şerê Koyê Cûdîyî yê Şirnexî de şehîd bibi 4 mengan ra dima dîyaye keyeyê ci. Keyeyî muracatê Serdozgerîya Komare ya Şirnexî kerdbi û dima cenaza Goristanê Bêkesan ê Şirnexî ra girewtbî.